کھیل

عاقب جاوید انگلینڈ ٹیم کی بالنگ کوخطرناک سمجھتے ہیں

سابق فاسٹ بالرکا کہنا ہےکہ پاکستان ٹیم کےمقابلےمیں انگلینڈ ٹیم کی بالنگ تجربہ کارہے

پاکستانی سابق فاسٹ بالر عاقب جاوید کا کہنا ہے کہ پاکستان ٹیم کے مقابلے میں انگلینڈ ٹیم کی بالنگ تجربہ کار ہے۔ عاقب جاوید نے اپنے ایک بیان میں پاکستان انگلینڈ سیریز سے متعلق بات کرتے ہوئے کہا ہے کہ ویسٹ انڈیز کے خلاف سیریز سے انگلینڈ کے بالرز کو بہت فائدہ ہو گا، انہیں اندازہ ہو گیا ہو گا کہ بال کو تھوک سےچمکائے بغیر وکٹیں کیسے لی جا سکتی ہیں۔ عاقب جاوید نے کہا ہے کہ یاسر شاہ ہی واحد بالر ہیں جنہوں نے وہاں وکٹیں لی ہوئی ہیں۔

انہوں نے کھلاڑیوں سے متعلق بات کرتے ہوئے مزید کہا کہ فاسٹ با لر سہیل خان اچھی فارم میں ہیں, شاہین شاہ آفریدی نے حال میں خود کو منوایا ہے، انگلینڈ کی بیٹنگ لائن اپ میں بھی تجربہ کم ہے۔ عاقب جاوید کا کہنا تھا کہ پاکستان ٹیم میں اظہر علی، اسد شفیق اور بابر اعظم کے علاوہ کوئی اور نظر نہیں آتا، کوئی شک نہیں عابد علی نے اچھا ڈیبیو کیا لیکن انہیں ابھی بہت کچھ سیکھنا ہے۔

Back to top button