کھیل

پی ایس ایل کی تیاری، پشاور زلمی نے بڑا قدم اٹھا لیا

جمرود، پشاور، سوات اور صوابی میں ہونے والے ٹرائلز میں 300 سے زائد کرکٹرز شریک ہوئے

پاکستان سپر لیگ (پی ایس ایل)کی تیاری کے لئے فرنچائز پشاور زلمی نے بڑا قدم اٹھاتے ہوئے ان کی جانب سے نئے کرکٹ ٹیلنٹ کی تلاش جاری ہے۔

تفصیلات کے مطابق پہلے مرحلے میں خیبر پختونخوا کے چار مقامات پر ٹرائلز کا انعقاد کیا گیا۔ جمرود، پشاور، سوات اور صوابی میں ہونے والے ٹرائلز میں 300 سے زائد کرکٹرز شریک ہوئے۔ ٹرائلز کے دوران کورونا وائرس کے ضابطہ کار کا بھی خاص خیال رکھا گیا۔ پشاور زلمی کے ڈائریکٹر کرکٹ محمد اکرم اور اسپن کنسلٹنٹ ارشد خان نے چاروں مقامات پر ٹرائلز لیے۔ اگلے مرحلے میں منگل کو لاہور میں ٹرائلز کا انعقاد کیا جائے گا اور دیگر شہروں میں بھی ٹرائلز کے بعد شارٹ لسٹ کرکٹرز کے ناموں کا اعلان کیا جائے گا۔ سب سے باصلاحیت کرکٹر کو پی ایس ایل کے چھٹے ایڈیشن میں پشاور زلمی کی ایمرجنگ کیٹیگری میں موقع دیا جائے گا۔

Back to top button