کھیل

پہلا ٹی ٹوئنٹی’ پاکستان نے جنوبی افریقہ کو 4وکٹوں سے پچھاڑ دیا

پہلے ٹی ٹوئنٹی میچ میں پاکستان نے جنوبی افریقا کو دلچسپ مقابلے کے بعد 4 وکٹوں سے شکست دے دی۔

جوہانسبرگ میں کھیلےگئےمیچ میں میزبان ٹیم کے کپتان ہینرچ کلاسین نے ٹاس جیت کر پہلے بیٹنگ کا فیصلہ کیا۔

جنوبی افریقی ٹیم نے پہلےکھیلتے ہوئے 6 وکٹوں کے نقصان پر 188 رنز بنائے جس کے جواب میں قومی ٹیم نے 189 رنز کا ہدف آخری اوور کی پانچویں گیند پر پورا کرلیا۔

جنوبی افریقا کی جانب سے مرکرام 51، کپتان ہینرچ کلاسین 50 اور بلجون 34 رنز بنا کر نمایاں رہے۔

پاکستان کی جانب سے محمد نواز اور حسن علی نے 2،2 جب کہ شاہین آفریدی اور حارث رؤف نے ایک ایک وکٹ حاصل کی ۔

189 رنز کے ہدف کے تعاقب میں قومی ٹیم نے بہتر آغاز کیا تاہم کپتان بابر اعظم 41 کے مجموعی اسکور پر 14 رنز بناکر آؤٹ ہوگئے۔

فخر زمان نے 27 رنز کی اننگز کھیلی اور تبریز شمسی کا شکار بنے، ان کے علاوہ محمد حفیظ13 حیدر علی 14 اور فہیم اشرف نے 30 رنز کی اننگز کھیلی۔

اس موقع پر رضوان وکٹ پر ڈٹے رہے اور 50 گیندوں پر 74 رنز کی ناقابل شکست اننگز کھیلی،  رضوان نے اپنی اننگز میں 2 چھکے اور 9 چوکے لگائے۔

جنوبی افریقا کی جانب سے ہینڈرکس نے 3، تبریز شمسی نے 2 اور  ولیمز نے ایک وکٹ حاصل کی۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads. because we hate them too.