کھیل

انگلش ٹیم نے پاکستانی ٹیم کا ون ڈے سیریز جیتنے کا خواب چکنا چور کر دیا

پاکستان اور انگلینڈ کی ٹیموں کے درمیان تین ایک روزہ میچوں کی سیریز کے دوسرے میچ میں انگلینڈ نے پاکستان کو 52 رنز سے شکست دیدی

انگلش ٹیم نے پاکستانی ٹیم کا ون ڈے سیریز جیتنے کا خواب چکنا چور کر دیا، پہلا ون ڈے میچ جیتنے کے بعد دوسرے ون ڈے میچ بھی قومی ٹیم کو شکست دیکر سیریز اپنے نام کر لی۔

تفصیلات کے مطابق لندن کے لارڈز کرکٹ گرانڈ میں کھیلے گئے میچ میں پاکستان نے ٹاس جیت کر میزبان انگلینڈ کو پہلے بیٹنگ کی دعوت دی جس پر انگلینڈ کی ٹیم 45 اعشاریہ 2 اوورز میں 247 رنز بنا کر آٹ ہوگئی۔انگلینڈ کی جانب سے فل سالٹ نے 60 اور جیمز ونس نے 56 رنزبنائے جب کہ کپتان بین اسٹوکس 22 رنز بناکر آؤٹ ہوئے۔ان کے علاوہ بریڈن کرسن نے 31، گریگوری نے 40 رنز بنائے جب کہ اورٹن صفر پر آؤٹ ہوئے۔ پاکستان کی جانب سے فاسٹ بولر حسن علی نے 5 وکٹیں اور حارث رف نے 2 وکٹیں حاصل کیں جب کہ شاہین شاہ آفریدی، شاداب خان اور سعود شکیل نے ایک ایک کھلاڑی کو آٹ کیا۔ خیال رہے کہ بارش کے باعث میچ کی اننگز کو 47 اوورز تک محدود کر دیا گیا تھا۔

248 رنز کے ہدف کے جواب میں قومی ٹیم کا ٹاپ آرڈر بر طرح ناکام رہا، امام الحق ایک، فخر زمان 10، کپتان بابر اعظم 19اور محمد رضوان 5 رنز بناسکے۔ اس موقع پر سعود شکیل نے ذمہ دارانہ بیٹنگ کی تاہم وہ ٹیم کو فتح نہ دلواسکے انہوں نے 4 چوکوں کی مدد سے نصف سینچری بنائی اور 56 رنز بناکر کیچ آؤٹ ہوگئے۔ ان کے علاوہ حسن علی 30، صہیب مقصود 19 اور فہیم اشرف ایک رنز بنا کر آٹ ہوئے۔ پاکستان کی پوری ٹیم41 اوور میں 195 رنز بناکر آؤٹ ہوگئی۔ خیال رہے کہ دونوں ٹیموں کے درمیان پہلا میچ دو روز قبل ہوا تھا جس میں انگلینڈ نے یکطرفہ مقابلے کے بعد پاکستان کو 9 وکٹوں سے شکست دیدی تھی اس طرح انگلینڈ نے تین میچز کی سیریز میں دو صفر کی فیصلہ کن برتری حاصل کرلی ہے۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.