کھیل

بھارتی میڈیا کے جھوٹے الزامات، سوئنگ کے سلطان وسیم اکرم کا کرارا جواب

برائے مہربانی اس طرح کی جھوٹی خبروں کو پھیلانا بند کر دیں اور اپنے ذرائع ٹھیک کر لیں، مجھے چیئرمین بننے کی کوئی خواہش نہیں ہے

قومی ٹیم کے سابق کپتان اور سوئنگ کے سلطان وسیم اکرم نے خود سے متعلق جھوٹی خبر چلانے پر بھارتی میڈیا کو کرارا جواب دیتے ہوئے ان کی بولتی بند کروا دی

تفصیلات کے مطابق بھارت کے ایک بڑے میڈیا گروپ نے گزشتہ روز یہ خبر شائع کی کہ وسیم اکرم بھی پاکستان کرکٹ بورڈ کے چیئرمین بننے کے خواہشمند تھے لیکن ان کے نام پر غور نہیں کیا گیا۔ وسیم اکرم نے سوشل میڈیا پر اس خبر کا حوالہ دیتے ہوئے بھارتی میڈیا کو جواب دیا کہ برائے مہربانی اس طرح کی جھوٹی خبروں کو پھیلانا بند کر دیں اور اپنے ذرائع ٹھیک کر لیں۔ پاکستان کرکٹ ٹیم کے سابق کپتان کا کہنا تھا کہ ٹائمز آف انڈیا کا شمار بھارت کے بڑے اور معتبر اخبارات میں ہوتا ہے لیکن اس طرح کی بے بنیاد خبروں سے اس کی ساکھ کو نقصان پہنچے گا۔ان کا یہ بھی کہنا تھا کہ چیئرمین پاکستان کرکٹ بورڈ کا عہدہ ایک اسپیشلائزڈ ملازمت ہے اور میں نے کبھی بھی اس عہدے میں دلچسپی ظاہر نہیں کی۔ سابق کپتان قومی ٹیم کا کہنا تھا کہ اللہ کا شکر ہے کہ میں آج زندگی میں جس مقام پر ہوں وہاں مطمئن ہوں۔

واضح رہے کہ وزیراعظم عمران خان نے چند روز قبل ہی پاکستان کرکٹ بورڈ کے چیئرمین کے لیے قومی ٹیم کے سابق کپتان رمیز راجہ کے نام کی منظوری دی تھی جس پر وسیم اکرم سمیت قومی ٹیم کے دیگر کھلاڑیوں نے انہیں مبارکباد دی اور نیک خواہشات کا اظہار کیا لیکن بھارتی میڈیا جو پاکستان کے ہر معاملے میں پروپیگنڈا کرتا ہے اس معاملے پر بھی جھوٹی اور من گھڑت خبریں چلانے سے باز نہ آیا۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.