کھیل

لاہور قلندرز نے پریکٹس میچزکا آغازکردیا

کپتان شاہین شاہ آفریدی کا کہنا ہے کہ کھلاڑیوں کو جاننے کے لیے کیمپ بہت ضروری ہے

پاکستان سپر لیگ کی مقبول فرنچائز لاہور قلندرز نے پی ایس ایل7 کی تیاریوں کے لیے پریکٹس میچزکا آغازکردیا ہے ، کپتان شاہین شاہ آفریدی کا کہنا ہے کہ کھلاڑیوں کو جاننے کے لیے کیمپ بہت ضروری ہے ، اس کا سب کو فائدہ ہو گا۔

پی ایس ایل 7 کا آغاز 27 جنوری کو ہوگا ، لیگ کی مقبول ترین فرنچائز لاہورقلندرزنےاپنی تیاریوں کا آغازبھرپوراندازمیں کردیا ہے ، تین دن کی ٹریننگ کے بعد کھلاڑیوں نے شاہین شاہ آفریدی کی قیادت میں پریکٹس میچ کھیلا، کھلاڑیوں کومختلف اہداف دیئے گئے ، محمد حفیظ اور شاہین شاہ آفریدی نے پاورہٹنگ کی خصوصی پریکٹس کی۔

کپتان شاہین شاہ آفریدی کا کہنا ہے کہ ہم نے تین دن نیٹ پریکٹس کی اور اس کے بعدمیچز کھیلنے کا سلسلہ شروع کر دیا ہے، ابھی ہمارے پاس ٹائم ہے ، ہمیں اکٹھے ہونے اور ایک دوسرے کو جاننے کا موقع ملے گا اور مجھے بھی اندازہ ہو جائے گا کہ کس طرح ٹیم کو کھلانا ہے ۔

لاہور قلندرز نے پریکٹس میچز کا آغاز کر دیا

شاہین شاہ آفریدی نے کہا کہ کپتانی کا مزہ آرہا ہے ، جب سب کھلاڑی آ جائیں گے زیادہ انجوائے کروں گا میری کوشش ہے کہ میں پی ایس ایل میں اچھا کروں اور اس کے لیے سو فیصد کوشش کروں گا اور لاہور قلندرز کو جتواؤں گا۔ انہوں نے کہا کہ پی ایس ایل کے سب کپتان اچھے ہیں ، بابر اعظم میرے فیورٹ اور نمبر ون بیٹسمین ہیں ، کراچی کے خلاف میچ میں کراوڈ خوب لطف اندوز ہو گا ۔ ہیڈ کوچ عاقب جاوید کا کہنا ہے کہ آف سیزن میں ٹریننگ جبکہ ایونٹ سے پہلے پریکٹس میچز کا ہی فائدہ ہوتا ہے ، ان سے اندازہ ہوتا ہے کہ کونسا کھلاڑی کس پوزیشن پر بہتر ہے ، کونسا بولر فارم میں ہے۔

لاہور قلندرز نے پریکٹس میچز کا آغاز کر دیا

عاقب جاوید نے کہا کہ شاہین شاہ آفریدی بڑے متحرک ہیں ، وہی چاہتے تھے کہ جلد کیمپ لگے انہیں کھلاڑیوں کو دیکھنا اور جاننا ہے ، جس ٹیم کا کپتان پرجوش ہو اسی کو فائدہ ہوتا ہے ۔ انہوں نے کہاکہ شاہین شاہ جارح مزاج بولر ہیں ، وہ کپتانی بھی ایسی ہی کریں گے اور کامیاب ہوں گے ۔ عاقب جاوید کا کہنا ہے کہ لاہور قلندرز کے غیر ملکی کھلاڑی بھی جلد پاکستان پہنچ کر دیگر کھلاڑیوں کے ساتھ ٹریننگ کرنے کے خواہشمند ہیں ۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.