رمیز راجا رخصت ہوجائیں،مطالبہ زور پکڑ گیا

رمیز راجا رخصت ہوجائیں،مطالبہ زور پکڑ گیا، پاکستان کرکٹ ٹیم کے سابق فاسٹ بولرعاقب جاوید کا کہنا ہےکہ چیئرمین پاکستان کرکٹ بورڈ (پی سی بی) رمیز راجا کو اپنے عہدے سے استعفیٰ دے دینا چاہیے۔ عاقب جاوید نےحال ہی میں ایک بیان میں رمیزراجا کےحوالےسےکہا کہ انہیں چاہیےکہ وہ اپنےعہدے سے استعفیٰ دے کراچھے اندازسےرخصت ہوجائیں۔

رمیز راجا اپنے عہدے سے استعفیٰ دے کر اچھے انداز سے رخصت ہو جائیں، عاقب جاوید#GeoNews pic.twitter.com/QO2tYi18G1

— Geo News Urdu (@geonews_urdu) April 16, 2022

انہوں نے کہا کہ کرکٹر ہونے یا نہ ہونے سے کوئی فرق نہیں پڑتا، ایڈمنسٹریشن پاور ہونی چاہیے۔ عاقب جاوید نے میڈیا سے گفتگو میں کہا کہ آج تک ایسے نہیں ہوا کہ پیٹرن انچیف بدلے اور چیئرمین چلتا رہے، جس طرح سے رمیز راجہ کھلے عام عمران خان کو سپورٹ کر رہے تھے لگ نہیں رہا کہ وہ رکیں۔ انہوں نے کہا کہ نجم سیٹھی اور ذکا اشرف کے چیئرمین بننے کے امکانات ہیں کیونکہ انہوں نے اپنے ادوار میں کام بھی اچھے کیے ہیں۔