کھیل

سری لنکا نے 30 سال بعد آسٹریلیا کیخلاف سیریزجیت لی

میچ میں فتح کے ساتھ ہی سری لنکا کو آسٹریلیا کے خلاف 1-3 کی فیصلہ کن برتری حاصل ہوگئی

سری لنکا نے چوتھے ون ڈے انٹرنیشنل میچ میں سنسنی خیز مقابلے کے بعد آسٹریلیا کو 4 رنز سے شکست دے کر پانچ میچوں کی سیریز میں 1-3  کی فیصلہ کن برتری حاصل کرلی۔ سری لنکا نے ہوم گراؤنڈ پر 30 سال بعد آسٹریلیا سے دو طرفہ سیریز جیتی ہے۔ کولمبو میں کھیلے گئے میچ میں سری لنکا کی ٹیم پہلے بیٹنگ کرتے ہوئے 49 اوورز میں 258 رنز پر آؤٹ ہوئی۔

سری لنکا سے چیرتھ اسالنکا نے 106 گیندوں پر 10 چوکوں اور ایک چھکے کی مدد سے 110 رنز کی عمدہ اننگز کھیلی۔ 259 رنز کے تعاقب میں آسٹریلیا کی ٹیم 254 رنز پر آؤٹ ہوگئی، ڈیوڈ وارنر 99 رنز بنا کر آؤٹ ہوئے۔

سری لنکا کی طرف سے کرونارتنے، دھنن جایا ڈی سلوا اور جیفری وینڈرسے نے دو، دو وکٹیں لیں جبکہ تھیکشانا، ہسارنگا، ویلالاگے اور شناکا نے ایک، ایک وکٹ حاصل کی۔

میچ میں فتح کے ساتھ ہی سری لنکا کو آسٹریلیا کے خلاف 1-3 کی فیصلہ کن برتری حاصل ہوگئی ہے۔ 30 سال بعد یہ پہلا موقع ہے جب سری لنکا نے آسٹریلیا کیخلاف ہوم گراؤنڈ پر دو طرفہ سیریز جیتی ہے۔ دونوں ٹیموں کے درمیان سیریز کا آخری میچ 24 جون کو کولمبو ہی میں کھیلا جائے گا۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.