ٹی20 ورلڈکپ کے کاؤنٹ ڈاؤن پوسٹرمیں بابر اعظم کی تصویر غائب
انٹرنیشنل کرکٹ کونسل (آئی سی سی) نے سوشل میڈیا پر بھی تصاویر اور پیغامات جاری کیے ہیں
آئی سی سی ٹی20 ورلڈکپ کے کاؤنٹ ڈاؤن پوسٹرمیں قومی ٹیم کے کپتان اوررینکنگ میں پہلےنمبر پربراجمان بابراعظم کی کمی کھٹکنے لگی۔ میگا ایونٹ میں 100 دن باقی رہ جانے پر میلبورن میں تقریب کے ساتھ ٹرافی ٹور کا بھی آغاز کردیا گیا ہے جبکہ انٹرنیشنل کرکٹ کونسل (آئی سی سی) نے سوشل میڈیا پر بھی تصاویر اور پیغامات جاری کیے ہیں۔
𝐂𝐨𝐦𝐢𝐧𝐠 𝐬𝐨𝐨𝐧: The ICC Men's T20 World Cup Australia 2022 🏆
#T20WorldCup pic.twitter.com/9Jr8TX55oP— ICC (@ICC) July 7, 2022
آئی سی سی کی جانب سے سوشل میڈیا پر شیئرکیے گئے ایک پوسٹر میں گلین میکسویل، راشد خان، شکیب الحسن اور شاہین شاہ آفریدی سمیت کرکٹرز موجود ہیں، آؤٹ آف فارم ویرات کوہلی کو بھارت نے انگلینڈ کیخلاف گزشتہ ٹی20 میچ سے ہی ڈراپ کردیا تھا، حیران کن طور پر ان کی تصویر بھی شامل ہے مگر اس فارمیٹ میں عالمی نمبر ون بیٹر بابراعظم کو نگاہیں تلاش کرتی ہی رہ گئیں۔ سماجی رابطوں کی سائٹ پر آئی سی سی کے پوسٹر پر بابراعظم اور محمد رضوان کی تصاویر نہ ہونے پر شائقینِ کرکٹ نے شدید ردعمل کا اظہار کیا ہے۔