حیدر آباد(مانیٹرنگ ڈیسک) آسٹریلیا کے سابق اوپننگ بلے باز میتھیو ہیڈن کا کہنا ہےکہ اسلام نے موجودہ پاکستان کرکٹ ٹیم کو میدان اور اس سے باہر نظم و ضبط سے رہنے میں بہت بڑا کردار ادا کیا ہے۔
تفصیلات کے مطابق سابق پاکستانی مینٹور نے ان خیالات کا اظہار منگل کو بھارتی شہر حیدرآباد دکن میں پاکستان اور آسٹریلیا کے درمیان ورلڈکپ کے وارم اپ میچ کے دوران کمنٹری کرتے ہوئے کیا۔
میتھیو ہیڈن نے کہا ‘ پاکستانی ٹیم دین اسلام پر کافی توجہ دیتی ہے جو کھلاڑیوں کے لیے اہم ہے، پاکستانی ٹیم میں نظم و ضبط مثالی ہے جس کی میں ہمیشہ تعریف کرتا ہوں، آخر کرکٹ میں بھی ایک ڈسپلن کی ضرورت ہوتی ہے’۔
سابق آسٹریلوی کرکٹر نے کہا کہ ‘آپ کو کرکٹ میں پرعزم اور مستقل مزاجی سے کام لینا ہوتا ہے، یہ وہ تمام چیزیں ہیں جو آپ کو اسلام سکھاتا ہے اور یہ آپ کے کلچر کی نمائندگی کرتا ہے۔
