ایشیاء کپ کی سکیورٹی کا معاملہ، فوج او ررینجرز کی طلبی

لاہور(سپورٹس رپورٹر، مانیٹرنگ ڈیسک) ایشیا کپ کے سلسلہ میں پاکستان میں کھیلے جانیوالے میچز کی سکیورٹی کے لیے نگران پنجاب حکومت نے فوج اور رینجرز کی طلبی کے لیے وفاق کو سمری بھجوادی۔

تفصیلات کے مطابق ذرائع نے بتایا ہے کہ محکمہ داخلہ پنجاب نے فوج اور رینجرز کی طلبی کی سمری وفاق کو بھجوادی ہے۔ ذرائع کا کہنا ہے کہ وفاقی وزارت داخلہ کی منظوری کے بعد فوج اور رینجرز کی خدمات پنجاب حکومت کے سپردکی جائیں گی۔ یاد رہے کہ ایشیاء کپ کا آغاز 30 اگست سے ہو رہا ہے، پاکستان اور سری لنکا میں ہونے والے ایشیا کپ میں پاکستان اور نیپال کیدرمیان ایشیا کپ کا پہلا میچ 30 اگست کو ملتان میں کھیلا جائیگا۔