ایشین جونیئر سکوائش چیمپئن شپ’ پاکستانی حمزہ خان نے ملک کا نام روشن کر دیا

اسلام آباد (سپورٹس ڈیسک) اسلام آباد میں ہونے والی ایشین جونیئر سکوائش چیمپئن کے فائنل میں پاکستانی حمزہ خان نے ٹائٹل اپنے نام کر ملک کا نام روشن کر دیا ہے ۔

تفصیلات کے مطابق اسلام آباد میں 31 ویں ایشین جونیئر اسکواش چیمپئن شپ میں انڈر 19 کا فائنل ٹاپ سیڈ حمزہ خان اور ملائشیا کے سیڈ نمبر 3 حارت دانیال کے درمیان ہوا جس میں پاکستانی کھلاڑی نے باآسانی 35 منٹ میں کامیابی حاصل کرلی۔ ٹاپ سیڈ حمزہ خان کی جیت کا اسکور 11-5 ، 12-10 اور 11-9 رہا۔ انڈر 17 کے فائنل میں پاکستان کے عبداللہ نواز کو شکست کا سامنا کرنا پڑا، عبداللہ کو ملائیشیا کے نکھلیسور نے 3-2 سے شکست دی۔ پاکستانی کھلاڑی کو ایک موقع پر 2-0 کی برتری حاصل تھی مگر ملائیشین پلیئر نے تیسرے گیم میں ٹائی بریکر سے شاندار کم بیک کرتے ہوئے مقابلہ اپنے نام کرلیا۔