برازیل:فٹبالر میچ کے دوران دل کے دورہ سے چل بسا’ کتنی عمر تھی؟

لاہور(سپورٹس ڈیسک)یوراگوئیکے فٹبالر جون ایزکویردو برازیل میں میچ کے دوران دل کی دھڑکن بند ہونے سے انتقال کرگئے۔برطانوی خبر رساں ادارے کی رپورٹ کے مطابق27 سالہ ایزکویردوگزشتہ ہفتے ساپولو میں میچ کے دوران زمین پرگرگئے تھے۔رپورٹ کے مطابق فٹبالر کے گرنے کے بعد فوری طور پر میچ روک دیا گیا جس کے بعد تمام کھلاڑی اس کے گرد جمع ہوگئے اور ایمبولینس کو بلانے کا کہا۔

بعدازاں گرانڈ میں ایمبولینس آئی اور جون کو اسپتال منتقل کیا گیا۔اسپتال کی جانب سے دیے گئے بیان میں بتایا گیا ہے کہ جون کا انتقال دل کی دھڑکن میں بے قاعدگی کے باعث ہوا۔خبر ایجنسی کے مطابق مرنے والا فٹبالر شادی شدہ تھا اور اس کے 2 بچے تھے، چھوٹے بیٹے کی پیدائش رواں ماہ اگست کے شروع میں ہوئی تھی۔