بنگلہ دیش کی پاکستان سے سیریز منسوخ ہوئی تو؟

لاہور(سپورٹس ڈیسک)بنگلادیش میں سابق وزیراعظم شیخ حسینہ واجد کی حکومت کی برطرفی کے بعد ملک انتشار کی لپیٹ میں ہے، بدامنی کی وجہ سے کرکٹرز کے گھر جلائے جارہے ہیں جبکہ پارلیمانی عمارتوں کی توڑ پھوڑ اور تشدد میں اضافہ ہوا ہے۔آئی سی سی ورلڈ ٹیسٹ چیمپئین شپ کے تحت شیڈول پاکستان اور بنگلادیش کے درمیان 2 ٹیسٹ میچوں پر مشتمل سیریز کے آغاز سے قبل صورتحال تیزی سے بگڑ رہی ہے جبکہ ایئربیس کو بند کردیا گیا ہے۔ائیربیس بند ہونے کی وجہ سے پروازیں منسوخ ہوگئی ہیں جبکہ کھلاڑیوں کی سیکیورٹی بھی اہم مسئلہ بن چکی ہے۔

دونوں ٹیموں کے درمیان میچز کی سیریز اگست کے وسط میں شروع ہوگی تاہم بنگال ٹائیگرز کی ٹیم کو 17 اگست تک پاکستان پہنچنا تھا جو مشکل دکھائی دے رہا ہے۔دوسری جانب ورلڈ ٹیسٹ چیمپئین شپ قوانین کے تحت اگر کوئی ٹیم طے شدہ سیریز کیلئے سفر کرنے میں ناکام رہتی ہے، تو مخالف ٹیم کو واک اوور دیا جاتا ہے اور وہ تمام پوائنٹس حاصل کرتی ہے۔اس صورت میں پاکستان کو ڈبلیو ٹی سی فائنل میں پہنچنے کے اپنے ہدف کیلئے اہم پوائنٹس حاصل ہوں گے جبکہ بھارت، جو اس وقت پوائنٹس ٹیبل پر سرفہرست ہے، وہ بھی اس سے فائدہ اٹھائے گا۔اس کے برعکس بنگلادیش شرکت سے محروم رہا تو ٹیبل پر آخری نمبر پر چلاجائے گا۔