حارث کو نکاح کے بندھن میں بندھتے ہی ایک اور بڑی خبر کیا ملی؟

لاہور(سپورٹس ڈیسک)قومی ٹیم کے نوجوان اوپنر اور پاکستان شاہینز کے کپتان محمد حارث نکاح کے بندھن میں بندھ گئے۔فوٹو اینڈ ویڈیو شیئرنگ ایپ انسٹاگرام پر نوجوان اوپنر محمد حارث اپنے نکاح کی کچھ تصاویر پوسٹ کیں اور کیپشن میں لکھا کہ” نکاح کا دن ‘ہمیشہ کیلئے اس نعمت پر الحمد اللہ”۔حارث نے مداحوں کو اطلاع دیتے ہوئے کچھ تصاویر بھی اپ لوڈ کیں، جس میں وہ شلوار قمیض کیساتھ پرنس کوٹ پہننے نظر آرہے ہیں۔

نکاح کے ایک روز بعد محمد حارث کو ڈومیسٹک چیمپئینز ون ڈے کپ اسٹالینز کا کپتان بھی نامزد کردیا گیا ہے۔قبل ازیں گزشتہ روز پاکستان کے سابق کرکٹر مشتاق احمد کی بیٹی رشتہ ازدواج میں منسلک ہوئیں تھی جسکی تصاویر و ویڈیوز خوب وائرل ہوئیں تھی۔مشتاق احمد کی بیٹی حبیبہ کے نکاح کی تقریب انتہائی نجی نوعیت کی تھی جس میں قریبی رشتے دار اور چند دوستوں سمیت کرکٹرز نے شرکت کی تھی۔