عماد وسیم نے انٹرنیشنل کرکٹ سے ریٹائرمنٹ کا اعلان کیوں کیا؟ اندر کی بات سامنے آگئی

لاہور(سپورٹس ڈیسک) قومی کرکٹ ٹیم کے آل رائونڈر عماد وسیم نے انٹرنیشنل کرکٹ سے ریٹائرمنٹ کا اعلان کیوں کیا؟ اس حوالے سے تفصیل سامنے آنے کے بعد تمام کھلاڑی چونک کر رہ گئے ہیں۔

تفصیلات کے مطابق قومی کرکٹ ٹیم کے آل رائونڈر عماد وسیم نے کہا کہ بڑی سوچ بچار کے بعد انٹرنیشنل کرکٹ سے ریٹائرمنٹ کا فیصلہ کیا ہے ، پاکستان کی نمائندگی کرنا میری زندگی کا بہت بڑا اعزاز ہے ۔ ان کا کہنا تھا کہ میں ڈومیسٹک اور فرنچائز کرکٹ میں اپنا سفر جاری رکھوں گا۔