مایہ نازکھلاڑی انضمام الحق چیف سلیکٹرمقرر

لاہور(کھوج نیوز) قومی ٹیم کےسابق کپتان انضمام الحق کو پاکستان کرکٹ ٹیم کا چیف سلیکٹرمقررکردیا گیا۔ پاکستان کرکٹ بورڈ کی مینجنمنٹ کمیٹی نےقومی ٹیم کے سابق کپتان اورمایہ نازکھلاڑی انضمام الحق کو چیفسلیکٹرمقررکیا، انضمام الحق کو نیشنل مینزچیف سلیکٹرمقررکیا گیا ہے۔

ذرائع کا بتانا ہے کہ چارج لینے کے بعد انضمام الحق افغانستان کے خلاف سیریز اور ایشیا کپ کے لیے پاکستانی ٹیم منتخب کریں گے۔  ذرائع کا یہ بھی کہنا ہے کہ سلیکشن کمیٹی کے قیام کے بعد سینٹرل کنٹریکٹس کا اعلان ہوگا جس میں وائٹ بال اور ریڈ بال کیٹگریز ختم کر کے کھلاڑیوں کے معاوضوں میں 100 فیصد سے زائد اضافے کی تجویز ہے۔

یاد رہے کہ انضمام الحق اس سے قبل بھی پاکستان کرکٹ ٹیم کے چیف سلیکٹر رہ چکے ہیں۔