ناقص کارکردگی کوہلی کو پنڈت کے در پر لے گئی ، ویڈیو وائرل

نئی دہلی(سپورٹس ڈیسک)بھارت کے اسٹار بلے باز ویرات کوہلی ان دنوں اپنی نا قص کارکردگی کی وجہ سے ان کو بھارت میں کا فی ٹرول کیا جا رہا ہے۔ابھی حال ہی میں سوشل میڈیا پر ویڈیو وائرل ہو رہی ہے جس میں ویرات کوہلی اور انوشکا شرما روحانی پیشوا کو خراج عقیدت پیش کیا اور دعائیں مانگیں۔ ویڈیو میں انوشکا شرما کو پریمانند مہاراج کے ساتھ بات چیت کرتے ہوئے دیکھا گیا۔انوشکا شرما نے کہا کہ پچھلی بار جب ہم آئے تھے، میرے ذہن میں کچھ سوالات تھے! ایسا لگتا ہے جیسے میں آپ کے ساتھ اپنے ہی دماغ میں بات کر رہی ہوں۔

اس موقع پر پنڈت پریمانند مہاراج نے کامیاب جوڑے کی تعریف کرتے ہوئے انکے رہن سہن کے طریقے اور بچوں کی پرورش کو سراہا، انکا کہنا تھا کہ تم دونوں بہت بہادر ہو،دنیا میں یہ سب حاصل کرنے کیلئے عقیدت کی طرف رجوع کرنا بہت مشکل ہے۔

یہ دوسرا موقع ہے جب کوہلی اور انوشکا پریمانند مہاراج کے در پر پہنچے، اس سے قبل جنوری 2023 کے اوائل میں بھی پنڈت کے پاس پہنچے تھے۔کرکٹ اسٹار اور بالی ووڈ اداکارہ کی جوڑی کے ہمراہ انکے بچے وامیکا اور آکائے بھی موجود تھے۔

دوسری جانب کوہلی کے اچانک پنڈت کے در پر پہنچنے پر لوگ انہیں تنقید کا نشانہ بنارہے ہیں جبکہ انکا دورہ اسے وقت میں ہوا جب چیمپئینز ٹرافی کیلئے بھارتی ٹیم کا اعلان اور بارڈر- گواسکر ٹرافی میں کوہلی کی ناقص کارکردگی پر انہیں ٹرول کیا جارہا ہے۔