ٹی ٹوئنٹی سیریز، پاکستان بمقابلہ آسٹریلیا ‘ پہلا میچ شروع ہونے سے قبل ہی شائقین کیلئے افسوسناک خبر آگئی

برسبین (سپورٹس ڈیسک) پاکستان اور آسٹریلیاکے درمیان ہونے والی ٹی ٹوئنٹی سیریز کا پہلا میچ شروع ہونے سے قبل ہی شائقین کرکٹ کے لئے افسوسناک خبر سامنے آگئی ہے۔

انٹرنیشنل میڈیا کے مطابق کینگروز اور گرین شرٹس کے درمیان 3 میچز پر مشتمل سیریز کا پہلا ٹی ٹوئنٹی میچ کل برسبین میں کھیلا جانا ہے لیکن یہ میچ بارش سے متاثر ہونے کا خدشہ ہے۔ پاکستان اور آسٹریلیا کے درمیان پہلا ٹی ٹوئنٹی میچ کل پاکستانی وقت کے مطابق دوپہر ایک بجے شیڈول ہے۔ پرسبین کے محکمہ موسمیات نے کل دوپہر ایک بجے سے بارش کی پیش گوئی کی ہے اور کہا گیا ہے کہ دن بھربارش ہوسکتی ہے اور ساتھ ہی ہلکی پلکی ہوا چلنے کا امکان ہے۔