چیمپئنز ٹرافی، پاکستان کی جیت بھارت کی شکست، آئی سی سی نے بھی اپنا فیصلہ سنا دیا

لاہور(سپورٹس ڈیسک) چیمپئنز ٹرافی کے معاملے پر پاکستان کی جیت ہو گئی ہے جبکہ بھارت کو شکست کا سامنا کرنا پڑا ہے جس کے بعد آئی سی سی نے بھی اپنا فیصلہ سنا کر بھارتی بورڈ کو حیران کر دیا ہے۔

انٹرنیشنل میڈیا کے مطابق بھارتی میڈیا نے دعویٰ کیا ہے کہ چیمپئنز ٹرافی کے لیے پاکستان اور بھارت دونوں ہائبرڈ ماڈل پر رضامند ہوگئے اور آئی سی سی نے اس کی منظوری دے دی۔ بھارتی میڈیا کے مطابق چیمپئنز ٹرافی کے لیے آئی سی سی نے پاکستان اور بھارت کی رضامندی کے بعد ہائبرڈ ماڈل کی منظوری دے دی۔ اس ہائبرڈ فارمولے کے لیے زیادہ تر پاکستان کرکٹ بورڈ کی تجاویز کو تسلیم کیا گیا ہے۔ دونوں فریقوں کے درمیان طے پایا ہے کہ 2026 کے ٹی ٹوئنٹی ورلڈکپ کے لیے پاکستانی ٹیم بھارت نہیں جائے گی۔ پاک بھارت لیگ میچ کولمبو میں کھیلا جائے گا۔ اسی طرح یہ بھی طے پایا ہے کہ بھارت آئی سی سی چیمئپنز ٹرافی 2025 کے لیے پاکستانی نہیں آئے گا اور اپنے حصے کے میچز دبئی میں کھیلے گا۔

اس فیوژن فارمولے کے تحت بھارت دبئی کو وینیو قرار دینے کے لیے بضد ہے جب کہ پاکستان 5 میچز کے لیے دبئی، بنگلادیش اورسری لنکا سے بات کررہا ہے۔ ذرائع نے دعویٰ کیا کہ آئی سی سی نے میچز کی منتقلی پر پاکستان کو زر تلافی کی پیشکش بھی کی تھی لیکن چیئرمین پی سی بی محسن نقوی نے اضافی معاوضے پر بات نہیں کی تاہم اس کے بدلے محسن نقوی آئی سی سی ویمن ٹورنامنٹ 2027 کی میزبانی لینے میں کامیاب ہوگئے۔ ادھر ذرائع نے دعوی کیا ہے کہ چیمپئنز ٹرافی سے متعلق 3 سال کے فیوژن ماڈل کو کل آئی سی سی سے منظوری ملنے کا امکان ہے۔ جس کے بعد باضابطہ اعلان کیا جائے گا۔