کرکٹر مشتاق احمد کی بیٹی کے نکاح کی تقریب’تصاویر وائرل
سابق کرکٹر کی بیٹی رشتہ ازدواج میں منسلک ہونے کی تقریب میں وقار یونس بھی شریک ہوئے
لاہور(سپورٹس ڈیسک)سابق پاکستانی کرکٹر مشتاق احمد کی بیٹی کی رسم نکاح کی دلکش تصاویر سوشل میڈیا پر وائرل ہوگئیں۔اسپن بالنگ سے مشہور سابق کرکٹر مشتاق احمد کرکٹ کی دنیا کے جانے مانے کھلاڑی ہیں۔ وہ 1992 ورلڈ کپ میں بھی پاکستان ٹیم کا اہم حصہ تھے۔انہوں نے اپنے کیرئیر میں پاکستان کرکٹ بورڈ میں بطور ٹیم کوچ بھی خدمات انجام دیں تاہم کرکٹ سی ریٹائرمنٹ لینے کے بعد بھی وہ اکثر و بیشتر ٹیلی ویژن اسکرین پر نظر آتے ہیں۔
سابق کرکٹر مشتاق احمد ٹیلی ویژن شوز میں بطور تجزیہ کار گفتگو کرکے سب کی توجہ حاصل کیے رکھتے ہیں۔حال ہی میں سابق کرکٹر کی بیٹی حبیبہ کی نکاح کی رسم لاہور کے مقامی ہوٹل میں انجام پائی ۔ جس کی خوبصورت جھلکیاں اب سوشل میڈیا کی زینت بنی نظر آرہی ہیں۔نکاح کی تقریب اگرچہ نجی رکھی گئی تھی جس میں محض خاندان کے قریبی افراد اور خصوصی دوستوں نے شرکت کی تاہم اب اس تقریب کی تصاویر نے وائرل ہوتے ہی سوشل میڈیا صارفین کو بھی اس خوشی میں شامل کرلیاہے۔
حبیبہ مشتاق کی رسمِ نکاح کی تقریب انتہائی سادہ مگر پر وقار تھی جس میں وقار یونس بھی اپنی فیملی کیساتھ شریک ہوئے۔مشتاق احمد کی بیٹی کی شادی کی تصاویر جیسے ہی سوشل میڈیا کی زینت بنیں دیکھنے والوں کی بڑی تعداد نے جوڑے کے لیے نیک خواہشات کا اظہار کیا اوربہتر مستقبل کیلئے دعائیں دیں۔
