کرکٹ ورلڈ کپ، قومی کھلاڑی بیمار کیوں ہو رہے ہیں؟ تشویشناک خبر سامنے آگئی

بنگلورو(سپورٹس ڈیسک، مانیٹرنگ ڈیسک) کرکٹ ورلڈ کپ کے سلسلے میں قومی ٹیم کے کھلاڑی بھارت میں موجود ہیں وہ بیمار کیوں ہو رہے ہیں؟ اس حوالے سے تشویشناک خبر سامنے آگئی ہے۔

تفصیلات کے مطابق آئی سی سی ون ڈے کرکٹ ورلڈ کپ کے لیے پاکستانی کرکٹ ٹیم اس وقت بھارت میں موجود ہے۔ آئی سی سی ون ڈے ورلڈکپ میں 20 اکتوبر بروز جمعہ کو پاکستان اپنا اگلا اہم میچ آسٹریلیا کے خلاف کھیلے گا۔ بھارتی شہر بنگلورو میں آسٹریلیا کے خلاف گرین شرٹس کے اہم مقابلے سے قبل اطلاعات ہیں کہ پاکستان کرکٹ ٹیم کے کھلاڑی بیمار ہو گئے ہیں۔

صحافی وجاہت کاظمی نے سماجی رابطوں کی سائیٹ ایکس پر لکھا کہ پاکستانی ٹیم کے کھلاڑی انڈیا میں بیمار ہو گئے ہیں۔ امید ہے کہ وہ جلد صحت یاب ہو جائیں گے۔ ایک صارف نے وجاہت کاظمی سے سوال کیا کہ کیا پاکستانی ٹیم کے تمام کھلاڑی بیمار ہو گئے ہیں؟ حمزہ خان نے تبصرہ کرتے ہوئے پاکستانی کھلاڑیوں سے کہا اور بھارت کی بریانی کھائیں۔ ایک صارف نے پاکستانی ٹیم کے کھلاڑیوں کی بیماری کو بھارتی خفیہ ایجنسی را کی سازش قرار دیتے ہوئے کہا کہ صرف پاکستانی ٹیم ہی کیوں بیمار ہوئی، یہ را کی سازش ہے۔ ایک صارف نے سوال کیا کہ کیا یہ جمعہ کو آسٹریلیا سے ہارنے کے لیے پہلے سے بہانے تیار کر رہے ہیں؟

واضح رہے کہ پاکستان کرکٹ ٹیم کے اوپننگ بلے بازعبداللہ شفیق بخار کا شکار ہوگئے۔ اس سے قبل فخر زمان گھٹنے کے درد ، شاہین آفریدی اور اسامہ میر بخار میں مبتلا تھے، تاہم وہ اب صحت یاب ہوچکے ہیں۔ ذرائع کے مطابق جن کھلاڑیوں کو بخار تھا انہیں پروٹوکول کے تحت چیک کیا گیا، اور ان کے کورونا اور ڈینگی ٹیسٹ بھی ہوئے ہیں۔