کولی وِل اوپن سکواش’پاکستانی کھلاڑی احسن ایاز فائنل میں

لاہور(سپورٹس ڈیسک)پاکستانی اسکواش پلیئر احسن ایاز نے سیمی فائنل میں ملائشیا کے کھلاڑی کو شکست دیک کولی ول اوپن اسکواش کے فائنل کیلئے کوالیفائی کرلیا۔احسن ایاز نے ملائشین کھلاڑی یی زیائی سیو کو 2-3 سے شکست دیکر سیمی فائنل میں فتح اپنے نام کی۔

احسن ایاز نے 0-2 کے خسارے سے کم بیک کرتے ہوئے فتح اپنے نام کی، ان کی کامیابی کا اسکور 11-8، 11-2، 10-12، 6-11 اور 9-11 رہا۔کوارٹر فائنل میں احسن ایاز نے آئرلینڈ کے ڈینس گلیوسکی کو 1-3 سے شکست دی تھی، پہلے رائونڈ میں بائی کے بعد دوسرے رائونڈ میں احسن نے امریکا کے فلپ پینٹل کو شکست دی تھی۔

امریکی ریاست ٹیکساس میں جاری کولی ول اوپن اسکواش کی مجموعی انعامی رقم 3 ہزار ڈالرز ہیں۔