کیا ریال میڈرڈ کے کھلاڑیوں کا ٹریننگ کے دوران ماسک پہننا مجبوری ہے؟

لاہور(سپورٹس ڈیسک)شائقین نے ریال میڈرڈ کے کھلاڑیوں کو ٹریننگ سیشن میں خصوصی ماسک پہنے دیکھا تو شائقین حیران رہ گئے۔ ہسپانوی جائنٹس اکثر اپنی شاندار کارکردگی کی وجہ سے خبروں میں رہتے ہیں، لیکن 21 اگست کو ان کی ٹریننگ کے انداز نے لوگوں کی آنکھوں کو جھنجھوڑ کر رکھ دیا۔

کھلاڑیوں بشمول کیلیان ایمباپے اور تجربہ کار لوکا موڈرچ نے ماسک پہن رکھے تھے، جبکہ وہ اپنی رفتار سے رننگ کر رہے تھے۔ لیکن ریال میڈرڈ کے کھلاڑی ٹریننگ کے دوران خصوصی ماسک کیوں پہنتے ہیں؟جی ہاں! ٹیم کے فٹنس کوچ انتونیو پنٹس وضاحت کرچکے ہیں کہ کھلاڑی ماسک کا استعمال کیوں کرتے ہیں، ان کا کہنا تھا کہ ماسک ٹیسٹ کے ساتھ میں کھلاڑیوں کے اسٹیمنا اور سانس کی پختگی کا اندازا کرکے ان کی بہتری کی ورزش اور خوراک کا بہتر اندازا کرسکتا ہوں۔

ریال میڈرڈ کلب 25 اگست کو اپنے پہلے ہوم میچ میں ولاڈولیڈ کے خلاف کھیلے گا۔ لاس بلانکوز نے 14 اگست کو سپر کپ کے فائنل میں اٹلانٹا کو شکست دے کر پہلے ہی نئے سیزن کا پہلا چاندی کا تمغہ جیت لیا ہے۔