سابق اہلیہ کا آدھی جائیداد کا مطالبہ، کروڑ پتی فٹبالر اشرف حکیمی غریب نکلے
اشرف حکیمی کے پاس کوئی زمین یا پلاٹ، گاڑیاں، سونا اور یہاں تک کہ کپڑے بھی ان کے نام پر نہیں 'ان کو جب بھی کسی چیز کی ضرورت ہوتی ہے تو وہ اپنی والدہ سے مانگتے ہیں
رباط(آن لائن) عالمی سطح پر مشہور مراکش کے فٹبالر اشرف حکیمی کی سابق اہلیہ حبہ ابوک نے طلاق لینے کے بعد آدھی جائیداد کا مطالبہ کردیا ہے۔ بین الاقوامی میڈیا رپورٹس کے مطابق فیفا ورلڈ 2022 میں مراکش کو سیمی فائنل تک پہنچانے میں کلیدی کردار ادا کرکے بہترین عرب کھلاڑی کا اعزاز حاصل کرنے والے اشرف حکیمی کی اپنی اہلیہ حبہ ابوک سے طلاق ہوگئی ہے جس کے بعد حبہ نے عدالت میں 24 سالہ اشرف حکیمی کی آدھی جائیداد کا مطالبہ کیا۔
تاہم حبہ کو عدالت کی جانب سے بتایا گیا کہ اشرف حکیمی کی تمام جائیداد یں کے نام نہیں بلکہ ان کی والدہ مسز فاطمہ کے نام ہے۔ فٹبالر کو پیرس سینٹ جرمین فٹبال کلب سے 10 لاکھ ڈالرز ماہانہ ملتے ہیں جس کا 80 فیصد حصہ ان کی ماں کے نام پر جاتا ہے۔اشرف حکیمی کے پاس کوئی زمین یا پلاٹ، گاڑیاں، سونا اور یہاں تک کہ کپڑے بھی ان کے نام پر نہیں ہیں۔ان کو جب بھی کسی چیز کی ضرورت ہوتی ہے تو وہ اپنی والدہ سے مانگتے ہیں۔ واضح رہے کہ جون میں مراکش ورلڈ نیوز کی ایک رپورٹ کے مطابق، اشرف حکیمی چھٹے سب سے زیادہ معاوضہ لینے والے افریقی فٹبالر ہیں، جو ہر ہفتے $215,000 سے زیادہ کماتے ہیں۔ مراکشی فٹبالر اشرف حکیمی اور ان کی سابق اہلیہ کا تعلق تیونسی نژاد ہسپانوی خاندانوں سے تھا اور دونوں نے دو سالہ دوستی کے بعد 2020 میں شادی کی تھی ، وہ فٹبالر سے 12 سال بڑی ہیں۔
قومی ٹیم کے پہلے کپتان عبدالحفیظ کاردار کی پی سی بی ہال آف فیم میں شمولیت
