راولپنڈ ی(سپورٹس ڈیسک) سری لنکا کے خلاف پہلے ون ڈے میں انٹرنیشنل کرکٹ کونسل (آئی سی سی ) نے پاکستان کی ٹیم پر جرمانہ عائد کر دیا گیا ، قومی ٹیم پر کتنا جرمانہ عائد کیاگیا؟ تفصیل آگئی۔
تفصیلات کے مطابق آئی سی سی نے بتایا ہے کہ 11 نومبر کو راولپنڈی میں کھیلے گئے 3 میچز پر مشتمل ون ڈے سیریز کے پہلے میچ میں پاکستان کرکٹ ٹیم کو سلو اوور ریٹ پر جرمانہ کیا گیا ہے۔ آئی سی سی کا کہنا ہے کہ سلو اوور ریٹ پر پاکستان کو میچ فیس کا 20 فیصد جرمانہ کر دیا ہے۔ آئی سی سی کے مطابق پاکستان ٹیم نے مقررہ وقت میں 4 اوورز کم کرائے۔ پاکستان کے کپتان شاہین آفریدی نے آئی سی سی کی سزا قبول کر لی ہے۔
