ٹیکنالوجی

 آئی فونز میں ایپل کا نیا آئی او ایس 18 اپ ڈیٹ کیوں نہیں ہوگا؟

یہ اپ ڈیٹ بعض ایپلی کیشنز کو لاک یا مخفی رکھنے کی سہولت بھی فراہم کرے گا

کیلیفورنیا(ٹیکنالوجی ڈیسک) ایپل نے رواں ماہ ورلڈ وائیڈ ڈویلپرز کانفرنس میں iOS 18 کا اعلان کیا، جس میں نئی کسٹمائزیشن، کمیونیکیشن، اور آرٹیفیشل انٹیلیجنس کے فیچرز کی نمائش بھی کی گئی۔ تاہم، بری خبر یہ ہے کہ ایپل کے تمام ماڈلز اس اپ ڈیٹ کے اہل نہیں ہیں کیونکہ نئے iOS کے لیے A12 Bionic چپ یا اس کے بعد آنے والی چپ کی ضرورت ہوتی ہے، جو صرف iPhone XS اور اس کے بعد کے ماڈلز میں پائی جاتی ہے۔

ایپل انٹیلی جنس، آئی فونز کے نئے AI فیچرز صرف ایسے فون میں دستیاب ہوتے ہیں جن میں A17  پرو چپ موجود ہو، جو کہ فی الحال صرف آئی فون 15 پرو اور پرو میکس میں پائی جاتی ہے۔ ایپل کا کہنا ہے کہ iOS 18 رواں برس اکتوبر کے بعد آئی فون ایکس ایس اور بعد کے ماڈلز کے لیے مفت اپ ڈیٹ کے طور پر دستیاب ہوگا۔

ایپل کے نئے اپ ڈیٹ کی نمایاں خصوصیات میں ایپل انٹیلی جنس ہے۔ یہ ایک ایسا اے آئی نطام ہے جس کے بارے میں ایپل کا کہنا ہے کہ یہ iOS 18 میں گہرائی سے مربوط کیا جائے گا۔ اس اپ ڈیٹ میں نئے ‘رائٹنگ ٹولز’ شامل ہیں جو آئی فون کے صارفین کو متن کو دوبارہ لکھنے، پروف ریڈ کرنے اور سمری بنانے کے علاوہ حسب ضرورت تصاویر بنانے کے لیے ‘امیج پلے گراؤنڈ’ کے نام سے سہولت فراہم کرتا ہیں۔

یہ اپ ڈیٹ بعض ایپلی کیشنز کو لاک یا مخفی رکھنے کی سہولت بھی فراہم کرے گا جس کے لیے فیس آئی ڈی، ٹچ آئی ڈی یا ڈیوائس کا پاس ورڈ درکار ہوگا۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button