اب محبوبہ کو معطر کرنے کیلئے موبائل فون سے من پسند خوشبو بھیجیں
ڈیجیٹل خوشبو کا کوڈ موصول ہوگا تو اس میں موجود کارٹریجز مختلف خوشبوئوں سے مطلوبہ خوشبو پیدا کریگا
لاہور(ٹیکنالوجی ڈیسک)جب آپ اپنے فون پر موسیقی سنتے ہیں یا کسی سے بات کرتے ہیں تو آپ کے کان ان آواز کو لہروں کے طور پر محسوس کررہے ہوتے ہیں۔آپ کے فون میں ایک اسکرین بھی ہے جو تصاویر اور ویڈیوز دکھاتی ہے۔ اسکرین چھوٹے نقطوں کا استعمال کرتی ہے جسے پکسلز کہا جاتا ہے جو تین بنیادی رنگوں پر مشتمل ہوتا ہے۔
تو کیا آپ کا فون مہک کے مالیکیولز بھی آپ تک پہنچا سکتا ہے جسے آپ سونگ سکتے ہوں؟سائنس دان ڈیجیٹل خوشبو والی ٹیکنالوجی تیار کر رہے ہیں جس میں بہت کم تعداد میں مختلف کارٹریج استعمال ہونگے جن میں سے ہر ایک مخصوص خوشبو پر مشتمل ہوگا۔جس طرح پکسلز تصاویر بنانے کے لیے تین رنگوں کو ملاتے ہیں اسی طرح یہ خوشبو والے کارٹریجز مختلف بو پیدا کرنے کے لیے مختلف مواد کا امتزاج کریں گے۔
ماہرین کے مطابق جب آپ کو ایک ڈیجیٹل خوشبو کا کوڈ موصول ہوگا تو آپ کا فون مطلوبہ بو پیدا کرنے کے لیے کارٹریجز سے مختلف خوشبوں کی چھوٹی مقدار کو ملائے گا۔اس کے بعد یہ مکسچر فون پر ایک چھوٹے وینٹ کے ذریعے جاری کیا جائے گا جس سے آپ اسے سونگھ سکیں گے۔ محققین اور کمپنیاں پہلے ہی اس طرح کی ڈیجیٹل خوشبو بنانے والی ٹیکنالوجی پر کام کر رہی ہیں۔
