اسٹارلنک کیا ہے اور یہ کیسے کام کرتا ہے؟
اسٹار لنک کے ساڑھے چھ ہزار سیٹ لائٹس خلا میں موجود ہیں جن سے انٹرنیٹ سروسز فراہم کی جاتی ہیں،اسٹار لنک اس وقت سو ممالک میں اپنی سروسز فراہم کر رہی ہے
امریکہ (مانیٹرنگ ڈیسک )اسٹار لنک دراصل انٹرنیٹ اور موبائل سروس فراہم کرنے والی امریکی کمپنی ہے جو ایکس کے مالک ایلون مسک کی خلائی کمپنی اسپیس ایکس کا حصہ ہے۔اسٹار لنک خلائی سیٹ لائٹ کے ذریعے انٹر نیٹ کی سہولیات فراہم کرتی ہے ۔اسٹار لنک کو 2015 سے قبل بنانے کا اعلان کیا گیا تھا اور 2019 میں مذکورہ کمپنی کے انٹرنیٹ سیٹلائٹ کو خلا میں بھیجنے کا پروگرام شروع کیا گیا تھا۔
اسٹار لنک نے اس وقت خلا میں تقریبا ساڑھے 6 ہزار سیٹ لائٹس بھیج رکھے ہیں، جس میں سے زیادہ تر سیٹ لائٹ فعال ہیں اور وہ انٹرنیٹ کی سروسز فراہم کر رہے ہیں۔اسٹار لنک اس وقت تقریبا دنیا بھر کے 100 ممالک کے اندر سروسز کو استعمال کرنے کی اجازت حاصل ہے ۔اس کے علاوہ اسٹار لنک کا یہ بھی دعوی ہے کہ وہ سستی انٹرنیٹ سروسز فراہم کرنے والی کمپنی بھی ہے اور وہ کسی کو بھی مجبور نہیں کرتی کہ ان کے ساتھ کیا جانے والا معاہدہ ہر حال میں مکمل کیا جائے گا۔
اسٹار لنک کیسے کام کرتا ہے؟
اسٹار لنک کے سیٹ لائٹ دنیا کے تمام ممالک کی فضائی حدود میں موجوہیں اور ہر سیٹ لائٹ انٹرنیٹ سروسز کی فراہمی کو یقینی بناتے ہیں۔اسٹار لنک کی سروسز استعمال کرنے کے لیے اسمارٹ فونز میں ایک خاص طرح کے فیچر یا سافٹ ویئر کو استعمال کیا جائے گا، جس طرح وائی فائی یا ڈیٹا پر منتقل ہونے کا فیچر استعمال کیا جاتا ہے، اسی طرح اسمارٹ فونز میں اسٹار لنک کے نیٹ ورک پر منتقل ہونے کا آپشن ہوگا۔
موبائل فونز پر اسٹار لنک کا انٹرنیٹ استعمال کرنے کے لیے فونز کو تبدیل کرنے کی ضرورت نہیں ہوگی بلکہ کمپنی ایسے سافٹ ویئرز یا فیچرز کو ڈاون لوڈ کرنے کی سہولت فراہم کرے گی جن سے ان کے انٹر نیٹ کو استعمال کرنا آسان ہو گا۔
اس کے علاوہ اسٹار لنک موبائل سروسز بھی فراہم کرتی ہے، تاہم ابھی اس کی موبائل سروسز اتنی عام نہیںہوئی ہے۔ جس طرح اسٹار لنک کا انٹرنیٹ ہر جگہ استعمال کیا جا سکے گا، اسی طرح اسٹار لنک سے منسلک ہونے کے بعد تمام صارفین فون کالز بھی کر سکیں گے۔اسٹار لنک کی فون کالز سہولت استعمال کرنے کے لیے بھی موبائل سمز تبدیل کرنے کی ضرورت نہیں پڑے گی بلکہ موبائل فون آپریٹرز اسٹار لنک سے سہولیات خرید کر صارفین کو فیچرز تک رسائی دیں گے۔
حکومت پاکستان کا کہنا ہے کہ اسٹار لنک کمپنی سروسز فراہم کرنے کے لیے حکومت کے پاس رجسٹرڈ ہو چکی ہے، تاہم اس کی سروسز کو استعمال کرنے کے حوالے سے ابھی لائحہ عمل نہیں جوڑا گیا۔
