مارک زکربرگ کا اہلیہ سے انوکھے انداز میں محبت کا اظہار

لاہور(ٹیکنالوجی ڈیسک)فیس بک کی سرپرست کمپنی میٹا کے بانی مارک زکربرگ نے اپنی اہلیہ سے انوکھے انداز میں محبت کا اظہار کیا ہے۔غیر ملکی ذرائع ابلاغ کے مطابق فیس بک کی سرپرست کمپنی میٹا کے بانی نے اہلیہ کی محبت میں اپنے گھر کے بیک یارڈ میں اہلیہ پرسکیلا چن کا ایک خوبصورت مجسمہ تعمیر کروا دیا۔ان کا کہنا تھا کہ میری بیوی میری محبت ہے۔

انسٹاگرام پر تصویر شیئر کرتے ہوئے مارک زکربرگ نے کیپشن لکھا اپنی بیوی کا مجسمہ بناتے ہوئے قدیم رومن روایات کو زندہ کر رہا ہوں۔مجسمے کے سامنے فیس بک کی سرپرست کمپنی میٹا کے بانی کی اہلیہ کو چائے سے لطف اندوز ہوتے دیکھا جا سکتا ہے۔ سوشل میڈیا صارفین نے انہیں اپنی اہلیہ کو خوبصورت انداز میں خراج تحسین پیش کرنے پر بہت سراہا۔