واٹس ایپ میں جدت‘ڈائلنگ سسٹم میں انقلاب

لاہور(ٹیکنالوجی ڈیسک)واٹس ایپ نے کال کرنے والے صارفین کی بڑی مشکل حل کردی ہے۔واٹس ایپ نے اپنے صارفین کیلیے کالنگ کی سہولت کو مزید آسان بنانے کا فیصلہ کیا ہے جس پر تیزی سے کام جاری ہے۔واٹس ایپ اور ٹیکنالوجی پر نظر رکھنے والے اداروں کا کہنا ہے کہ واٹس ایپ نے صارفین کیلیے ایک ایسا فیچر متعارف کرانے کا فیصلہ کیا ہے جسے وہ عام موبائل میں کالنگ کیلئے استعمال کرتے ہیں۔اس فیچر کو ڈائلنگ کا نام دیا گیا ہے، جس کے بعد صارفین کسی بھی شخص کا نمبر بغیر سیو کیے ڈال کر کے ایک بار میں ملا سکیں گے

واٹس ایپ میں ایک ایسے فیچر کا اضافہ ہوا ہے جو کالنگ کو بدل کر رکھ دے گا۔اس وقت کانٹیکٹ لسٹ میں موجود نہ ہونے والے نمبر کو کال کرنا مشکل ہوتا اور اس کے لیے پہلے نمبر کو سیو کرنا ہوتا ہے۔یہ سہولت بیٹا ورژن صارفین کیلیے آزمائش کے طور پر متعارف کرادی گئی ہے، اور کامیابی کے بعد تمام صارفین اس سے استفادہ کرسکیں گے۔