چین 3لاکھ پاکستانی نوجوانوں کو آئی ٹی کا ماہر بنائے گا

لاہور(ٹیکنالوجی ڈیسک) وزیر اعظم کے دورہ چین میں طے پانے والے معاہدے کے مطابق چینی کمپنی ہواوے آئندہ ماہ سے 3لاکھ پاکستانی نوجوانوں کو انفارمیشن ٹیکنالوجی کی تربیت دینے کا پاکستان میں آغاز کرے گی۔ یہ بھی کہا گیا ہے کہ یہ تربیتی ورکشاپس بڑے شہروں میں ہوں گی۔حکومتی ذرائع کے مطابق اس سلسلہ میں قواعد و ضوابط اور اہلیت کا معیار مقرر کرنے کیلئے تجاویز دی گئی ہیں جن پر کام جاری ہے،چین کی کمپنی ہواوے کیساتھ معاہدہ کے تحت اسلام آباد کو سمارٹ سٹی بھی بنا ئے جانے کا معاہدہ ہوا ہے۔

ذرائع کے مطابق پاکستان کے نوجوانوں کو اگلے 5سال میں کم از کم 1.5 ملین آئی ٹی سرٹیفائیڈ افراد کو تیار کرنے کیلئے گوگل، مائیکروسافٹ اور دنیا کی دیگر معروف آئی ٹی کمپنیوں کے ساتھ تربیت کا آغاز کیا جائے جا رہا ہے۔