ہائبرڈ کاربگاٹی ٹوربلون متعارف‘40ملین ڈالر میں فروخت ہو گی
کار کے پچھلے حصے میں ایک موٹر اور آگے دو موٹریں خود کم از کم 800 ہارس پاور پیدا کرنے کی صلاحیت رکھتی ہیں
لاہور(ٹیکنالوجی ڈیسک)دنیا کی مہنگی ترین گاڑیوں میں شمار ہونے والی فرانسیسی کمپنی کی گاڑی بگاٹی کی جانب سے نئی ہائبرڈکار بگاٹی ٹوربلون متعارف کرادی گئی ہے۔ معروف فرانسیسی کمپنی بگاٹی نے اپنے نئے ماڈل بگاٹی ٹوربلون گاڑی میں 1800ہارس پاور کاا نجن لگایا ہے۔بگاٹی چیرون اورویرون ڈلز کی طرح نئے بگاٹی ٹوربلون میں ایک بہت بڑا، 16 سلنڈر گیس انجن ہوگا۔ انجن کو برطانوی ریس کار انجینئرنگ فرم کاس ورتھ کے تعاون سے ڈیزائن کیا گیا ہے، جسکی تین طاقتور الیکٹرک موٹرز نصب کی گئی ہیں۔کار کے پچھلے حصے میں ایک موٹر اور آگے دو موٹریں خود کم از کم 800 ہارس پاور پیدا کرنے کی صلاحیت رکھتی ہیں، تینوں موٹرز مجموعی طور پر بگاٹی ٹوربلون کو 1800ہارس پاور فراہم کرتی ہیں،الیکٹرک موٹریں نئے گیس انجن میں ٹربو چارجرز کی کمی کو پورا کرنے میں مدد کریں گی۔
ٹوربلون کا نام گیئرز کے ایک سیٹ کے طور پر رکھا گیا ہے جو مکینیکل گھڑی میں درستی کو برقرار رکھنے میں مدد کرتا ہے۔مرکزی سپیڈومیٹر ڈسپلے میں گھڑی کی طرح دو سوئیاں بھی ہیں، بڑی سوئی گاڑی کی رفتار کو ظاہر کرتی ہے جب کہ چھوٹی سوئی ہائی ریونگ 16 سلنڈر انجن کے فی منٹ ریوولیشنز کوبیان کرتی ہے۔بگاٹی ٹوربلون انجن آن ہونے سے پہلے ایک چارجنگ پر تقریباً 37 میل کا سفر کر سکتی ہے یہاں گاڑی کے ڈرائیور کے پاس یہ اختیار ہے کہ وہ اس کو گیس انجن پر بھی چلا سکتا ہے۔میٹ ریمیک کا کہنا ہے کہ کل250 بگاٹی ٹربلونزبنائی جائیں گی اور ہر ایک کی قیمت تقریباً 4 ملین ڈالر ہوگی۔
