ہوشیار خبردار…… وائی فائی اور وائرلیس نیٹ ورکس سے ڈیٹا چوری ہونے کا انکشاف

اسلام آباد(کھوج نیوز ) ہوشیار خبردار …… وائی فائی اور وائرلیس نیٹ ورک سے ڈیٹا چوری ہونے کے انکشاف کے بعد پاکستانیوں شہریوں میں تشویش کی لہر دوڑ گئی ہے جو کہ بڑی خبر ہے۔

تفصیلات کے مطابق کابینہ ڈویژن نے اس حوالے سے تمام وفاقی وزارتوں، ڈویژنز اور صوبائی حکومتوں کو مراسلہ لکھ دیا۔ مراسلے میں کہا گیا ہے کہ وائی فائی کے ذریعے نیٹ ورک ٹریفک میں باآسانی مداخلت ہوسکتی ہے، راٹرز اپڈیٹس کے ذریعے انٹرنیٹ ٹریفک کو غیر محفوظ طرف موڑا جاسکتا ہے۔ مراسلے کے مطابق وائی فائی نیٹ ورک کے ذریعے ڈائریکٹریز اور فائلز کو باآسانی شیئر کیا جاسکتا ہے۔ مراسلے میں اہم معلومات بچانے کے لیے گیسٹ نیٹ ورک بند کرنے بھی سفارش کی گئی ہے ۔ مراسلے میں صارفین کو وائی فائی کے پاسورڈ پیچیدہ رکھنے کی سفارش کرتے ہوئے وائی فائی کا نام اور آئی ڈی خفیہ رکھنے کی تجویزبھی دی گئی ہے۔