ٹیکنا لوجی

اوپوکی اے سیریزکا نیا فون اے 35 پیش

اوپو اے 35 نامی یہ اسمارٹ فون گزشتہ سال کے اے 15 ایس کا ری برانڈڈ ماڈل لگتا ہے

اوپو نے اپنی اے سیریز کا نیا اسمارٹ فون متعارف کرادیا ہے۔ اوپو اے 35 نامی یہ اسمارٹ فون گزشتہ سال کے اے 15 ایس کا ری برانڈڈ ماڈل لگتا ہے۔ اس نئے فون میں میڈیا ٹیک کا ہیلیو پی 35 پراسیسر دیا جارہا ہے جبکہ اینڈرائیڈ 10 آپریٹنگ سسٹم کا امتزاج کلر او ایس 7.2 سے کیا گیا ہے۔ فون کے اندر 4 جی بی ریم ریم اور 128 جی بی اسٹوریج موجود ہے جس میں ایس ڈی کارڈ سے 256 جی بی تک اضافہ کیا جاسکتا ہے۔
فوٹو بشکریہ اوپو

یہ فون 6.5 انچ کے ایچ ڈی پلس ایل سی ڈی ڈسپلے سے لیس ہے جس میں واٹر ڈراپ نوچ میں 8 میگا پکسل سیلفی کیمرا چھپا ہوا ہے۔ ڈیوائس کے اندر 4230 ایم اے ایچ بیٹری دی گئی ہے جس کے ساتھ 10 واٹ فاسٹ چارجنگ سپورٹ دی گئی ہے۔

فوٹو بشکریہ اوپو

 

فون کے بیک پر 3 کیمروں کا سیٹ اپ موجود ہے۔ فون کا مین کیمرا 13 میگا پکسل کا ہے جس کے ساتھ 2 میگا پکسل میکرو اور 2 میگا پکسل ڈیپتھ کیمرے موجود ہیں۔ یہ فون س سے پہلے چین میں فروخت کے لیے پیش کیا جائے گا اور یہ 3 رنگوں میں دستیاب ہوگا۔ تاہم کمپنی کی جانب سے ڈیوائس کی دستیابی کی تاریخ اور قیمت کا اعلان فی الحال نہیں کیا گیا۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads. because we hate them too.