ٹیکنا لوجی

انفینکس کا نیا اسمارٹ فون ہاٹ 10 ایس متعارف

یہ ڈوئل سم 4 جی فون ہے جس میں وی او ایل ٹی ای سپورٹ دی گئی ہے جبکہ 6000 ایم اے ایچ کی طاقتور بیتری موجود ہے

انفینکس نے نیا اسمارٹ فون ہاٹ 10 ایس متعارف کرادیا ہے جو کمپنی کی پہلی ڈیوائس ہے جس میں اینڈرائیڈ 11 آپریٹنگ سسٹم دیا گیا ہے۔ ہاٹ 10 ایس ایک گیمنگ فون ہے جس میں 6.82 انچ کا بڑا ڈسپلے 90 ہرٹز ریفریش ریٹ سے لیس ہے۔ فون کے اندر میڈیا ٹیک ہیلیو جی 85 پراسیسر موجود ہے جس میں کورٹیکس اے 75 کورز اور 6 اے 5 کورز موجود ہیں۔ یہ ڈوئل سم 4 جی فون ہے جس میں وی او ایل ٹی ای سپورٹ دی گئی ہے جبکہ 6000 ایم اے ایچ کی طاقتور بیتری موجود ہے جس کے ساتھ 10 واٹ فاسٹ چارجنگ سپورٹ موجود ہے۔

فوٹو بشکریہ انفینکس

فون میں ایل الٹرا پاور موڈ موجود ہے جو بیٹری کے آخری 5 فیصد حصے کو بھی وائس کالز پر ساڑھے 3 گھنٹے تک چلانے میں مدد دیتا ہے۔ فون میں 4 سے 6 جی بی ریم اور 64 سے 128 جی بی اسٹوریج موجود ہے جس میں ایس ڈی کارڈ سے اضافہ بھی ہوسکتا ہے۔ 10 ایس کچھ ممالک میں 10 ایس این ایف سی کے نام سے بھی دستیاب ہوگا جس میں 5000 ایم اے ایچ بیٹری ہوگی۔ ہاٹ 10 ایس میں بیک پر 3 کیمروں کا سیٹ اپ ہے جس میں مین کیمرا 48 میگا پکسل کا ہے جس کے ساتھ 2 میگا پکسل ڈیپتھ کیمرا موجود ہے۔

فوٹو بشکریہ انفینکس

تیسرے کیمرے کے بارے میں کمپنی نے کوئی تفصیل جاری نہیں کی جبکہ فون کے فرنٹ پر 8 میگا پکسل کیمرا دیا گیا ہے۔ یہ فون سب سے پہلے انڈونیشیا میں فروخت کے لیے پیش کیا جارہا ہے جس کی 6 جی بی ریم اور 128 جی بی اسٹوریج والا ماڈؒ 130 ڈالرز (لگ بھگ 20 ہزار پاکستانی روپے) میں دستیاب ہوگا۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads. because we hate them too.