ڈاکٹروں اور نرسز کی ہڑتال تاحال جاری، مریض دربدر کی ٹھوکریں کھانے پر مجبور

لاہور(کھوج نیوز) پنجاب کے مختلف شہروں میں ینگ ڈاکٹروں اور نرسز کی ہڑتال تاحال ابھی تک جاری رہی ہے جس کی وجہ سے ایمرجنسی میں چیک کیلئے آنے والے مریض رل گئے ہیں۔

تفصیلات کے مطابق صوبہ پنجاب کے شہروں رحیم یار خان، بہاول پور، فیصل آباد اور سرگودھا کے سرکاری اسپتالوں کی او پی ڈیز بند ہیں جبکہ پنجاب کے مختلف شہروں میں ینگ ڈاکٹرز کی ہڑتال کی وجہ سے مریضوں کو مشکلات کا سامنا ہے، ہڑتال ساہیوال واقعہ میں ڈاکٹرز کی گرفتاری اور خانیوال میں نرس کی گرفتاری کے خلاف کی گئی ہے۔ ینگ ڈاکٹرز ایسوسی ایشن کی کال پر ملتان میں نشتراسپتال اور ڈسٹرکٹ ہیڈکواٹر اسپتال میں دوسرے روز بھی ہڑتال جاری ہے۔ مظاہرین کا کہنا ہے کہ ڈاکٹر کو سیاسی انتقام کا نشانہ نہ بنایا جائے، انہوں نے مطالبہ کیا کہ خانیوال سے گرفتار نرس کو رہا کیا جائے، ساہیوال واقعہ میں ڈاکٹرز کو گرفتار کرنے والوں کے خلاف کارروائی کی جائے۔فیصل آباد میں بھی الائیڈ سمیت ٹیچنگ اسپتالوں میں ینگ ڈاکٹرز سراپا احتجاج ہیں، بہاولپور اور سرگودھا میں بھی ینگ ڈاکٹرز نے آٹ ڈور سروسز کا بائیکاٹ کیا ہوا ہے۔