ووڈی ایلن کے بعد2فرانسیسی ڈائریکٹرز پر جنسی استحصال کا الزام، گرفتار

لاہور(شوبزڈیسک) ہالی ووڈ کے ڈائریکٹرز اور پروڈیوسرز کی طرح فرانسیسی ڈائریکٹرز بھی جنسی استحصال میں ملوث پائے گئے۔فرانسیسی حکام نے معروف فلم ڈائریکٹرز بینوئٹ جیککوٹ اور جیکس ڈولن کو جنسی استحصال کے الزامات پرحراست میں لےلیا ہے۔اس سے فبل ہالی ووڈ کے نامور ڈائریکٹر ووڈی ایلن بھی بہت سی خواتین اداکاراؤں کا جنسی استحصال کرچکےتھےاور انہیں بھی گرفتارکرلیا گیا تھا۔عالمی خبر رساں ادارے کے مطابق 77 سالہ جیکٹ اور 80 سالہ ڈولن کواپنے وکلا کے ساتھ پیرس کے پولیس اسٹیشن میں دیکھا گیا۔

عدالتی ذرائع کا کہنا ہےکہ دونوں ڈائریکٹرزکو منگل کی شام تک حراست میں رکھا جا سکتا ہےاورممکنہ طور پر ان پر الزام لگانے والوں کی موجودگی میں ان سے پوچھ گچھ کی جا سکتی ہے۔52 سالہ اداکارہ اور ہدایت کار جوڈتھ گوڈریچے نے رواں سال کے اوائل میں باضابطہ طور پر جیکوٹ پر ریپ اور ڈولن پر جنسی زیادتی کا الزام عائد کیا تھا۔کئی دیگر اداکاروں نے بھی دونوں ملزمان کے خلاف شکایت درج کرائی ہے۔ 41 سالہ اسلڈ لی بیسکو نے الزام عائد کیا ہے کہ 1998 سے 2007 کے درمیان جیکوٹ نے اس کے ساتھ جنسی زیادتی کی تھی جس کا آغاز اس وقت ہوا تھا جب وہ 16 سال کی تھی۔اس معاملے سے جڑے ایک قریبی ذرائع نے بتایا کہ 34 سالہ اداکارہ جولیا رائے نے ان پر تشدد اور جنسی استحصال کا الزام عائد کیا ہے جو کئی سالوں تک جاری رہا۔