بھارتی وزیرخارجہ ایس جے شنکر نے دورہ پاکستان کی وجہ بتادی

نئی دہلی (ویب ڈیسک)بھارتی وزیرخارجہ ایس جے شنکر نے دورہ پاکستان کی وجہ بتادی، بھارتی وزیر خارجہ جے شنکر نے پاکستان میں شنگھائی تعاون تنظیم کے اجلاس کے موقع پر پاک بھارت دو طرفہ ملاقات کو مسترد کردیا۔ بھارتی میڈیا کے مطابق وزیر خارجہ جے شنکر نے کہا میں وہاں بھارت اور پاکستان کے تعلقات پر بات کرنے نہیں جا رہا ہوں ایس سی او میں شرکت کیلئے جارہا ہوں۔ انہوں نے کہا کہ میرا اس مہینے کے وسط میں پاکستان جانا طے ہے، میں پاکستان اوربھارت کے تعلقات پربات کرنے نہیں جارہا، پاکستان ایس سی او کےایونٹ پر جارہا ہوں۔