نیشنل ویمنز ون ڈے ٹورنامنٹ کل سےکراچی میں شروع ہو گا

کراچی(سپورٹس ڈیسک) نیشنل ویمنز ون ڈے ٹورنامنٹ کل سے کراچی میں شروع ہو گا۔ 5 ٹیموں کے اس ٹورنامنٹ میں پاکستان کرکٹ بورڈ کے مینٹورز بھی کھلاڑیوں کے ساتھ کام کریں گے۔ ٹورنامنٹ کی انعامی رقم 33 لاکھ روپے ہے جس میں سے فاتح ٹیم کو 15 لاکھ روپے ملیں گے۔ ٹورنامنٹ کے میچز یو بی ایل گراؤنڈ اور نیشنل اسٹیڈیم اوول گراؤنڈ پر ہوں گے۔ ندا ڈار، فاطمہ ثناء، منیبہ علی، عالیہ ریاض اور سدرا امین ٹیموں کی قیادت کریں گی۔