ایل ڈی اے نے کس کی ملکیتی پراپرٹی پر جاری تعمیرات مسمار کر دیں؟تفصیلات منظر عام پر آگئیں

لاہور(کھوج نیوز )ڈی جی ایل ڈی اے طاہر فاروق کی ہدایت پر ایل ڈی اے ٹیموں کا آپریشن جاری ہے ۔ایل ڈی اے ٹیموں نے علی الصبح جوہر ٹاؤن میں آپریشن کرکے ایل ڈی اے ملکیتی پراپرٹی پر قبضہ کی کوشش ناکام بنا دی۔ترجمان ایل ڈی اے کا کہنا ہے کہ ٹیموں نے جوہر ٹاؤن کے بلاک میں کارروائی کرکے ایل ڈی اے ملکیتی پراپرٹی پر جاری تعمیرات مسمار کر دیں۔ایل ڈی اے ٹیموں نے کے بلاک میں پلاٹ نمبر 496, 497 اور 498 پر تعمیرات مسمار کرکے قبضہ حاصل کر لیا۔ترجمان کے مطابق کروڑوں روپے مالیت کے ان پلاٹوں پر جاری تعمیرات کو مکمل مسمار کر دیا گیا۔