بجلی کی قیمتوں میں کمی کا فیصلہ ،آئی ایم ایف نے حکومتی تجویز مان لی

اسلام آباد(کھوج نیوز) گزشتہ روز آئی ایم ایف سے حکومتی مذاکرات کے دوران یہ خبر سامنے آئی تھی کہ آئی ایم ایف نے حکومت کو مزید بجلی مہنگی کرنے کی تجویز دی تھی لیکن تفصیلات کے مطابق بجلی کے بنیادی نرخوں میں 1 سے 2 روپے فی یونٹ کمی کا امکان ہے، نیپرا اور وزارت توانائی کو نرخوں میں کمی کا اختیار مل گیا۔

اس کے علاوہ ڈسکوز کی نجکاری میں تاخیر پر آئی ایم ایف نے اظہارِ تشویش کرتے ہوئے کہا ہے کہ ڈسکوز کی کارکردگی بہتر کیے بغیر پاور سیکٹر میں بہتری ممکن نہیں۔آئی ایم ایف نے وزارت توانائی کا نیپرا ایکٹ میں ترمیم کا پلان مسترد کر دیا ہے۔

پاور سیکٹر کے گردشی قرضے پر آج اہم مذاکرات ہوں گے جبکہ ایف بی آر ریونیو، ایگریکلچر ٹیکس اور پراپرٹی ٹیکس پر بھی بات چیت جاری ہے۔

عید کے بعد گورننس پر مذاکرات کے لیے آئی ایم ایف کے نئے وفد کی آمد متوقع ہے۔