پولینڈ کی فضاؤں میں روسی ہیلی کاپٹر کی پرواز،خطے میں کشیدگی

وارسا(مانیٹرنگ ڈیسک) پولینڈ کی فضائی حدود میں ایک خطرناک واقعہ اس وقت پیش آیا جب روس کا ایک فوجی ہیلی کاپٹر بالٹک سمندر کے اوپر اچانک داخل ہوگیا۔ پولش مسلح افواج کے مطابق یہ واقعہ بظاہر روس کی جانب سے پولینڈ کے فضائی دفاعی نظام کی تیاری کو پرکھنے کی ایک خطرناک کوشش تھی۔ حکام نے فوری طور پر ہائی الرٹ جاری کردیا اور روسی اقدام کو اشتعال انگیز قرار دیا۔ پولش مسلح افواج کا کہنا ہے کہ ایسی کارروائیاں خطے میں کشیدگی کو مزید بڑھا سکتی ہیں۔