مسیحیوں کے مذہبی پیشوا بھی مظلوم فلسطینیوں کی حمایت میں بول پڑے

اٹلی (مانیٹرنگ ڈیسک) مسیحیوں کے مذہبی پیشوا بھی مظلوم فلسطینیوں کی حمایت میں بول پڑے ‘ انہوں نے اقوام متحدہ سمیت عالمی قوتوں سے بڑا مطالبہ کر کے سب کو حیران کر دیا ہے۔

انٹرنیشنل میڈیا کے مطابق سینٹ پیٹرز اسکوائر پر کیتھولک مسیحیوں کے پیشوا پوپ لیو نے اجتماع سے خطاب میں کہا کہ غزہ کے والدین اپنے معصوم بچوں کی لاشیں سینے سے لگائے بیٹھے ہیں، ان کی دل دہلا دینے والی چیخیں آسمان تک پہنچ رہی ہیں۔ پوپ لیو نے اسرائیل اور حماس سے اپیل کی کہ وہ بین الاقوامی انسانی قوانین کی مکمل طور پر پاسداری کریں۔ پوپ لیو کا کہنا تھا کہ غزہ میں لڑائی فوری بند کی جائے، انسانی قوانین کا احترام کیا جائے۔