سکولوں میں موبائل فون پر پابندی کیوں لگائی گئی؟

لاہور(کھوج نیوز) سکولوں میں موبائل فون کے استعمال پر پابندی کیوں لگائی گئی؟ اس حوالے سے پنجاب اسمبلی میں جمع کروائی گئی قرارداد کا متن سامنے آنے کے بعد ہلچل مچ گئی ہے۔

تفصیلات کے مطابق پنجاب اسمبلی میں اسکولوں میں طلبہ کے موبائل فون کے استعمال پرپابندی کی قرارداد جمع کرادی گئی۔ قرارداد مسلم لیگ ن کی رکن اسمبلی راحیلہ خادم حسین نے اسمبلی سیکرٹریٹ میں جمع کروائی۔ قرار دادکے مطابق حکومت کو اس سماجی مسئلہ کو سنجیدگی کے ساتھ حل کرنیکا لائحہ عمل تیار کرنا چاہیے۔قرار داد میں مطالبہ کیا گیا کہ تمام اسکولوں میں طلبہ کے موبائل فون کے استعمال پر مکمل پابندی لگائی جائے اور بچوں کے سوشل میڈیا اکاؤنٹس کے باریمیں قانون سازی کی جائے۔ قرار داد کے متن میں کہا گیا ہے کہ موبائل فون اور سوشل میڈیاکی بدولت بچوں کے ذہن اور اخلاقی اقدار بری طرح متاثر ہورہے ہیں۔