اے ٹی سی کا فیصلہ، اعجاز چوہدری، احمد چٹھہ اور احمد بھچر کا سیاسی سفر ختم

اسلام آباد(کھوج نیوز) الیکشن کمیشن آف پاکستان نے اے ٹی سی کے فیصلے کو مد نظر رکھتے ہوئے بڑا اعلان کیا جس سے اعجاز چوہدری، احمد چٹھہ اور احمد بھچر کا سیاسی سفر ختم ہوگیا ہے۔

تفصیلات کے مطابق الیکشن کمیشن آف پاکستان نے سینیٹر اعجاز چوہدری کی نااہلی کا نوٹیفکیشن جاری کرتے ہوئے کہا ہے کہ اعجاز چوہدری کو انسداد دہشت گردی عدالت نے مجرم قرار دے کر10 سال کی سزا سنائی ہے۔ الیکشن کمیشن کے مطابق اعجاز چوہدری آرٹیکل 63 ون ایچ کے تحت رکن سینیٹ رہنے کے اہل نہیں رہے۔ الیکشن کمیشن کی جانب سے ایم این اے محمد احمد چٹھہ اور اپوزیشن لیڈر پنجاب اسمبلی احمد خان کی نااہلی کا نوٹیفکیشن بھی جاری کیا گیا ہے۔ نوٹیفکیشن کے مطابق انسداد دہشت گردی عدالت نے احمد چٹھہ اور احمد خان بھچرکو مجرم قرار دیتے ہوئے 10 سال کی سزا سنائی ہے۔ الیکشن کمیشن کے مطابق احمد چٹھہ این اے 66 وزیرآباد اور احمد خان بھچر پی پی87 میانوالی سے منتخب ارکان اسمبلی تھے۔