بلوچستان (کھوج نیوز) بلوچستان کے ضلع خضدار میں سکیورٹی فورسز نے خفیہ اطلاع پر سرچ آپریشن کیا جس میں 4دہشتگردوں کو گرفتار کرلیا گیا ہے ، ان کا تعلق فتنہ الہندوستان سے تھا۔
تفصیلات کے مطابق آئی ایس پی آر نے بتایا ہے کہ سکیورٹی فورسز نے خضدار میں فتنہ الہندوستان کے دہشت گردوں کی موجودگی کی اطلاع پر آپریشن کیا۔ آئی ایس پی آر کے مطابق سکیورٹی فورسز نے آپریشن میں 4 دہشت گردوں کو گرفتار کرلیا۔ آئی ایس پی آر کے مطابق گرفتار دہشت گرد متعدد دہشت گردانہ سرگرمیوں میں ملوث تھے، مزید دہشت گردوں کی موجودگی کے خاتمے کے لیے کلیئرنس آپریشن جاری ہے، دہشت گردوں کو ہر صورت انصاف کے کٹہرے میں لایا جائیگا۔ آئی ایس پی آر کا کہنا ہے کہ دہشت گرد خواتین کا بھیس بدل کر فرار ہونے کی کوشش کر رہے تھے،گرفتار دہشت گردوں کے قبضے سے اسلحہ اور گولہ بارود بھی برآمد کیا گیا ہے۔
