لاہور(کھوج نیوز) وزیراعلیٰ پنجاب مریم نواز کے صاحبزادے اور سابق وزیراعظم نواز شریف کے نواسے جنید صفدر کی دوسری شادی کی تقریبات شروع ہوگئیںجن کی تفصیلات درج ذیل ہیں۔
تفصیلات کے مطابق وزیراعلیٰ پنجاب مریم نواز کے صاحبزادے جنید صفدر کی شادی شانزے علی روحیل سے ہورہی ہے جو پاکستان مسلم لیگ (ن) کے سینئر رہنماء اور سابق رکن قومی اسمبلی شیخ روحیل اصغر کی پوتی ہیں۔ آج جاتی امراء میں جنید صفدر کی مہندی کی تقریب ہوگی جبکہ 17 جنوری کو بارات اور 18 جنوری کو دعوتِ ولیمہ ہوگی۔ واضح رہے کہ جنید صفدر پہلے بھی شادی کر چکے ہیں۔ جنید صفدر نے 2021ء میں عائشہ سیف سے شادی کی تھی مگر یہ رشتہ زیادہ عرصے تک قائم نہ رہ سکا اور دونوں کے درمیان اکتوبر 2023 میں علیحدگی ہوگئی تھی۔
