حماس کا حملہ، کتنے تھائی شہری ہلاک اور کتنے یرغمال بنے؟ رپورٹ سامنے آگئی

غزہ (مانیٹرنگ ڈیسک) حماس کی جانب سے اسرائیل پر حملہ ہونے کے بعد کتنے تھائی شہری ہلاک ہوئے اور کتنے شہریوں کو یرغمال بنا لیا گیا ہے اس حوالے سے رپورٹ سامنے آگئی ہے۔

انٹرنیشنل میڈیا کے مطابق تھائی لینڈ کی وزارت خارجہ کا کہنا ہے کہ حماس کے حملوں کے بعد سے 12 تھائی شہری ہلاک جبکہ آٹھ زخمی ہو چکے ہیں۔11 شہریوں کو یرغمال بھی بنایا گیا ہے ۔ تھائی لینڈ کے ایک کارکن نے بتایا کہ وہ سنیچر کے روز حملے میں تقریبا ہلاک ہو گیا تھا۔میں ایک ٹرک کے نیچے رینگ رہا تھا کہ حماس نے مجھے باہر نکالا اور بندوق سے اٹھنے کا اشارہ کیا۔ تھائی وزارت خارجہ کا کہنا ہے کہ اسرائیل میں تقریبا 30,000 جبکہ غزہ میں 5,000 کے قریب تھائی شہری مقیم ہیں۔