چین اور روس کےدرمیان اہم ترین معاہدہ ہوگیا،دونوں ممالک کونسا بڑا قدم اُٹھانےوالےہیں؟ بڑی رپورٹ آگئی

بیجنگ(ویب ڈیسک) چین اور روس کےدرمیان اہم ترین معاہدہ ہوگیا،دونوں ممالک کونسا بڑا قدم اُٹھانےوالےہیں؟ بڑی رپورٹ آگئی ،تفصیلات کے مطابق روس کے صدر ولادیمر پیوٹن نے بیجنگ میں چین کے صدر شی جن پنگ سے ملاقات کی ہے۔ غیرملکی میڈیا کے مطابق روسی صدر چین کے 2 روزہ دورے پر آئے ہوئے ہیں۔ دونوں رہنماؤں نے اسٹریٹجک شراکت داری کو گہرا کرنے کی دستاویزات پر دستخط کیے۔ اس موقع پر چینی صدر شی جن پنگ نے روسی صدر کے ساتھ مل کر کام کرنے کا عہد کیا اور کہا کہ چین روس کا ہمیشہ ایک اچھا پڑوسی، دوست اور باہمی اعتماد کا شراکت دار رہے گا۔

روسی صدر کا کہنا تھا کہ شی جن پنگ کے ساتھ بات چیت پرتپاک اور دوستانہ رہی۔ چینی صدر سے یوکرین بحران، تجارت، توانائی اور سرمایہ کاری پر بات کی۔ ولادیمر پیوٹن کا کہنا تھا کہ چین اور روس پُرامن جوہری تعاون کو گہرا کر رہے ہیں، روس اور چین لاجسٹک کوریڈور تیار کر رہے ہیں۔ ان کا مزید کہنا تھا کہ سمجھتے ہیں کہ ایشیا پیسیفک خطے میں قابل اعتماد سیکیورٹی ڈھانچہ تیارکرنا ضروری ہے۔